Dj Fresh на Big Snow Festival

На големиот „Snow Big Festival“ кој ќе се одржи на Копаоник на 12-ти март ќе го затвори познатиот DJ Fresh, со најновиот хит "Hot Right Now" на 19-ти февруари го освоил првото место на најважната европска топ листа на сиглови – UK top chart, со што стана еден од најактуелните диџеи и музичари во овој момент.

„Пресреќен сум што успеав да го освојам ова престижно признание два пати за помалку од 8 месеци“, изјавил Daniel Stein, попознат како DJ Fresh. „На фановите им ветувам незаборавна журка на Копаоник, како што слушнав, најубавиот ски центар на Балкан“.

Колкав успех постигна DJ Fresh зборува и фактот дека е еден од ретките диџеи кои победувајќи на листата зад себе ги остави имињата како Madonna, Rihanna, David Guetta, Coldplay и многу други. Особено е интересно дека DJ Fresh оваа листа ја освојува со два хита за поламку од пола година. Имено, со синглот Louder" DJ Fresh го освои UK Top Chart во јули минатата година оставајќи ги зад себе Beyonce, Katy Parry, Kelis... UK Top Chart се формира исклучиво врз база на продажба на синглови во повеќе од 10.000 продавници (вклучувајќи ги и онлајн продавниците) и претставува единствена официјална листа од тој тип.

„Big Snow Festival“ ќе се одржи на Копаоник, Србија од 19-ти до 25-ти март и ќе угости преку 100 врвни светски и регионални изведувачи, на 10 фестивалски бини.
Овој несекојдневен ски-музички хепенинг ќе го одбележат водечките светски изведувачи како што се Basement Jaxx, DJ Fresh, Ms DYNAMITE, Freestylers, Modestep, Judge Jules, Eddy Tample Morris, Micky Slim и многу други. Од регионалните изведувачи, помеѓу останатите тука се Darkwood Dub, Rambo Amadeus, Disciplin A Kitchme, Deca Loših Muzičara, Eyesburn и Vrooom.

Покрај ноќната забава ќе бидат организирани и дневни, таканаречени Apre-ski журки, како и активен спортски програм во кој ќе учествуваат гостите на фестивалот, како и врвните светски ски и snowboard натпреварувачи. Новиот систем за вештачки снег, доколку е потребно, ќе покрие над 70% од ски-центарот и со тоа на посетителите ќе им ги овозможи зимските радости без оглед на временските прилики. Сите заинтересирани во Македонија својата влезница можат да ја набават во туристичката агенција Ториа (трговски центар Беверли Хилс, Скопје, втори кат), телефон (02) 3224 659. Седумдневната влезница изнесува 47 евра, еднодневната 19 евра. Седумдневниот аранжман, кој вклучува сместување и влезница за концертите е 115 евра, додека доплатата за 6-дневниот ски пас со попуст од 60% е веќе 39 евра.