Златна Бубамара на 25-ти февруари

Најпопуларното и најочекуваното шоу во нашата Држава, Златна Бубамара на популарноста, по 13-ти пат ќе се одржи на 25-ти февруари  во Универзалната Сала.

Подготовките се при крај, и како што најавуваат во штабот на Радио Бубамара, и ова година ќе имаме неповторливо доживување. Како и секогаш, сценариото и добитниците на наградите се чуваат во тајност, но може да претпоставиме дека и ова издание ќе биде ретроспектива и прерасказување на изминатата година, на духовит и музички начин, по што е препознатлива Златна Бубамара.

Во изминатите 12 години, Бубамара успеја да стане најдоброто шоу од ваков тип на Балканот и едно од најгледаните ТВ програми во Македонија. Иако е ова 13 издание ,голема среќа е да се дојде до билет кога знаеме дека  билетите се продаваа за само неколку часа.

Најпопуларните од медиумите, музиката, културата и спортот и ова година ќе се позлатат со ова високо признание за нивната успешна работа во изминатата година. Лани, естрадниот магазин "Бекстејџ" доби награда за најгледан ТВ проект, потсетете се на фотосот.